ගගන දෙරණට මැදිව එසවුන
පොරණ සිට උරුමයන් පැමිණෙන
නගන කිතු ගොස ලොවම සොලවන
පුදන දිරියයි දැයට හිමි වුණ
වැවු අමුණු වන පියස් ගහ කොළ
සිවු දිගට ඇති උරුමයන් හෙල
මවු ලෙසින් හිද ලක් දෙරණ තුළ
සවු සිරින් සපුරන්නෙ දරු කැල
හිත් නොමැති ගලකින් පවා
නෙත් තුළින් ජීවය පොවා
මත් කළා ලොව සිත් නිවා
කිත් ගොසින් දන මෙහි හොවා
පොරණ හෙළයන් ලෙයින් බිහිවුණ
දෙරණ මත උරුමයන් විසිරුන
දරණ යුතුකම ජන්මයෙන් එන
රකින බව වේ තුරුම මිය යන
No comments:
Post a Comment